Serra 38, asma amnonia peyêne,
Dêsım`de rozê terteleyiye.
Hire domani qırkerdisra, Derê Zuğuri`ra dırvetın xeleşinê.
Pila xo çeneka, new serrê wa.
Bıraê xo ve çena apira ayera qıjiyê.
Remenê, xo erzenê bırr, wertê gême.
Ne moê u pi, ne naskerdoği. Pilura kês çino lewedê.
Teynarê, dırvetiniye. Kenê ke xo caê rasnê, dırvetia xo bı pisê.
Xo berzê şiya jü, bextê jüde canê xo bı xelesnê.
Rayi olaği gureteyê. Her ca eskero, miliso. Dewa xora dürriye, ...